Ifahamu mimea hatari zaidi inayotishia uhai wa binadamu - Fastestsmm News Swahili
Chanzo cha picha, VIKKI IRWIN/Fastestsmm
Baadhi ya watoto hawakujua kwamba maisha yao yalikuwa "hatarini" katika mji wa Suffolk nchini Uingereza kutokana na kuwepo kwa 'hemlock' kwenye njia yao ya kawaida ya kwenda shuleni, mmea wenye sumu ambao unaweza kumuua mtu ikiwa ataumeza.
Hata hivyo, hemlock sio mmea pekee unaohatarisha maisha ya binadamu.
Siku za hemlock zimehesabiwa katika eneo la Bucklesham baada ya mkuu wa baraza la parokia, David Brinkley, kuripoti kwa Baraza la Kaunti ya Suffolk Juni mwaka jana, na mamlaka iliahidi kufunga barabara na kuondoa mmea huo hatari.
Katika mawasiliano yake, Brinkley alisema kuchelewa kuondoa mmea huo "kunahatarisha maisha ya watoto.
Mwalimu mkuu wa shule hiyo, Rachel Rudge, pia alionyesha wasiwasi kama huo.
"Siyo salama kutembea barabarani kwa sababu ya kuwepo kwa mmea huu wa hemlock," anasema. "Ni ngumu sana na si salama kuwa huko."
Hata hivyo, Profesa Ian Parr, wa Chuo Kikuu cha East Anglia, anasema kuondoa hemlock hakuondoi tatizo hilo, ikizingatiwa kwamba kuna mimea zaidi ya 28,000 iliyoenea kote Uingereza.
Barr, profesa wa ikolojia ya shamba, aliiambia Fastestsmm kuhusu mimea mingine hatari inayoonekana wazi, na kwa nini baadhi yao ni tishio kwa binadamu.
Mmea mkubwa wa hercules
Profesa Barr anasema kwamba mmea mkubwa wa Hercules haupaswi kupuuzwa hata kidogo.
Ni kati ya zaidi ya mimea 100 yenye sumu ilnayopatikana nchini Uingereza na imejumuishwa na Royal Horticultural Society kwenye orodha yake ya mimea inayoweza kudhuru.
"Ikiwa utaigusa na mwili wako, inaweza kusababisha athari ambayo inakufanya uwe rahisi kuchomwa na jua," Barr anasema.
Anaongeza, "Haipaswi kugusana na sehemu yoyote ya mmea."
Mmea huo asili yake ni Asia ya Kati na uliletwa Uingereza mnamo 1893 kama mmea wa mapambo, lakini sasa "umetoka nje ya udhibiti".
Kuna sumu katika majani, shina, mizizi, maua na mbegu vinaweza kuhamishiwa kwenye ngozi kwa kugusa.
Mmea wa Foxglove
Chanzo cha picha, Reuters
Mmea wa Foxglove ni mmea mzuri wa maua, lakini uzuri wake katika bustani haimaanishi hauna upande wake wa giza.
Mmea huo, ambao jina lake la kisayansi ni Digitalis, ni chanzo cha digitoxin, inayojulikana kama glycoside, ambayo imekuwa ikitumika kama kichocheo cha moyo tangu 1785.
Pia inajulikana kuwa sumu kwa sehemu zote za mmea.
Kula majani yake kunaweza kusababisha maumivu katika kinywa na tumbo, kichefuchefu, kutapika na kuhara.
Mbaya zaidi, dalili zinaweza kujumuisha usumbufu wa kuona, pamoja na shida ya moyo na figo.
"Watu wanapaswa kuufurahi mmea huu kwa mbali," Barr anasema.
"Sitt El Hassan" au "killer eggplant"
Chanzo cha picha, Alamy
"Usile," anasema Profesa Barr.
Moja ya mimea yenye sumu zaidi nchini Uingereza ni familia ya Solanaceae, ambayo ina alkaloids ya tropane ya kutosha kuweza kuua mtu.
"Mimea hii inapatikana katika misitu, ingawa sio kawaida kama ilivyokuwa zamani," Barr anasema.
Solanaceae, ambaye jina lake la kisayansi ni Solanaceae, ni familia pana ya zaidi ya mimea 2,500 ikiwa ni pamoja na nyanya, viazi, pilipili hoho, bilinganya, pilipili, tumbaku na nightshade.
Water hemlock
Chanzo cha picha, Getty Images
"Water Hemlock ni mimea maarufu karibu na [Norfolk na Suffolk]," Barr anasema. "Pia ni ina sumu sana."
Mmea wa Water hemlock, ambao jina lake la kisayansi ni Oenanthe crocata, pia unajulikana kama "poison parsnip", na ni moja ya mimea yenye sumu inayokua nchini Uingereza.
MMiea wa Hemlock na water hemlock inafanana, lakini inakua katika mazingira tofauti na hutofautiana katika sumu.
Mizizi, shina na majani yote yana sumu ya degedege na yenye nguvu inayojulikana kama oenanthotoxin, ambayo hushambulia mfumo mkuu wa neva.
Hemlock pia ina alkaloidi tano: conine, conhydrin, pseudoconhydrin, methylconine, and ethyl piperidine, ambayo husababisha kutapika sana na kupooza kwa mfumo wa neva.
"Kemia na Mageuzi"
Chanzo cha picha, PROF IAIN BARR
Profesa Barr anasema sumu kwenye mimea ni njia ya kujilinda kwa mimea hiyo
Ingawa vifo vinavyohusiana na mimea yenye sumu ni nadra sana nchini Uingereza, hutokea.
Mnamo 2016, Ofisi ya Taifa ya takwimu ilirekodi vifo vya watu sita kutokana na "athari ya sumu ya mimea iliyoingizwa."
Lakini mimea inakuwaje na sumu kiasi kwamba inaweza kumuua mtu?
"Yote ni juu ya kemia na mageuzi," Barr anasema. "Mimea imetoa sumu ili kujilinda isiliwe."
"Baada ya muda, mchakato huu unasababisha mimea fulani kuwa na sumu kali kwa aina fulani za viumbe," alisema.
Aliongeza kuwa mimea mingi yenye sumu ambayo asili yake ni Uingereza ilitengeneza sumu kwa lengo la kujikinga na wanyama wakubwa kama vile mammoth wenye manyoya au auroch wenye urefu wa mita mbili badala ya kujikinga dhidi ya binadamu.
"Alkaloidi za mmea, zinapotumiwa kupita kiasi, humfanya mnyama awe mgonjwa," Barr alisema.
"Lengo halikuwa kuua wanyama, bali kuwafanya wasiwe na afya njema na kuacha kula," aliongeza.
Kwa hakika, anasema, sumu za mimea hazijabadilika kuwa mbaya kiasi cha kuwazuia watoto kupita njiani, kama vile njia ya kwenda shule.
Post a Comment
0Comments